Saes siyenta ka mga Warriors of Light nga milangkob sa Task Force Kapatid ang mibiya sa karong adlawa (Disyembre 21) aron mutabang sa paghibalik sa linya sa kuryente sa Dinagat island, Siargao island, ug Surigao del Norte Electric Cooperatives human sa pagkuso-kuso sa bagyong Odette.

Dili man nila makauban ang ilang tagsa-tagsa ka pamilya karong panahon sa kapaskuhan, apan madasigon ang grupo sa paglakaw sa ngalan sa pagtabang ug paghatod ug serbisyo sa ilang mga kaubanan sa electric cooperatives.

Nag-usa ug pwersa ang kusog sa mga Electric Cooperatives gikan sa NORDECO, SOCOTECO 1, SOCOTECO 2, DORECO, DASURECO, SUKELCO, ug COTELCO sa ilang  tradisyon sa pagtinabangay panahon sa kalamidad nagpadayon sa pamilya sa mga Electric Cooperatives. 

Nahimo nang kabahin sa misyon sa mga electric cooperatives ang paghatag serbisyo, pagtinabangay, ug paghigugma sa kasing-kasing sa electric cooperatives.

Una milakaw ang grupo midalit usa kini ug pag-ampo alang sa luwas nga pagbiyahe nga nagkatapok sa NORDECO Montevista Office sa Davao de Oro.

Dinhi nanukad ang  mga linemen paingon sa ASELCO ug didto dungan na sila nga nibyahe paingon sa Siargao Island, Dinagat Island ug Surigao del Norte. 

Ang Task Force Kapatid usa ka hiniusang pwersa sa mga Electric Cooperatives pinangunahan sa PHILRECA. 

Mao kini ang tiunay nga kalihokan sa ECs nga kon adunay mga kalamidad andam nga motabang sa mga kaigsoonang electric cooperatives. 

Ang panag-uban maoy sinugdanan, ang pagpadayon sa panag-uban usa ka pag-uswag ug ang pagtinabangay usa ka kalampusan, matod pa sa pahayag sa NORDECO.